Day 4

今日我地的行程是去参观寺庙，从ON NUT坐BTS到SIAM，然后再打的士，五记得几多钱咯！！！今日曼谷有雨，好彩我地去到的时候已经停左，凉凉地，好舒服！！！司机车到我地去卧佛寺，甘我地就入去睇啦，门票好似是100THB（约22.2RMB），入寺庙里面五可以着露肩膀的衫，五可以着短裤，五可以着鞋，因为要表示尊重喔！！！个卧佛又真是好大个喔，而且成个都镶金，真是刮一层都掂晒！！！甘巧，我地见到有d 年轻的寺庙修葺工人，罗住支好细的毛笔，系度帮寺庙里面果d图案加翻颜色，真是好全神贯注价。围住大佛行左差五多一圈，就有个地方比你换20THB的散银，有成100个，比你放入好多个好多铜做的钚度，当当声，一路当一路祈祷，我入乡随俗，都试左一下，行完一轮，其实寺庙都是甘上下，由于我地都无宗教信仰的，所以参观左一下，就决定去大王宫，大家要留意啦，跟住落黎我地就变左水鱼！！！

我地五知道大王宫系边个方向，见到部TUKTUK（是三轮电单车），就行去问价啦，同TUKTUK司机交谈左一下，发现沟通五到，正系呢个时候有个晓讲英文的泰国老行埋黎，然后罗住幅地图同我地讲——现在呢个时间d寺庙全部都做紧祈祷，你入到去都五可以参观，你可以叫呢个TUKTUK司机先车你去另外的寺庙，行程大概是先去LUCK寺庙，然后去一个珠宝行，跟住再去BLACK寺庙，去完之后呢个时间再翻大王宫就差五多啦，全程都是50THB（11.1RMB），五洗比多价啦！！！其实我地都是听到d听五到d，林住甘平好似好抵甘，反正又想坐TUKTUK，于是水鱼的行程就甘就开始啦！！！

因为天气凉爽，坐TUKTUK真是好舒服，虽然有d塞车，但是因为TUKTUK细细部可以穿来穿去，所以好过瘾，呵呵！！！

好快，我地就到左LUCK寺庙，我古，应该是呢度个佛是可以带比人LUCK挂，呢个寺庙好细，成间也里面得一个人系度招呼，重叫我地一定要去珠宝行，因为好平好抵买，他话买翻中国可以卖高一倍的价钱，于是我地就比人车左去珠宝行！！！消费的过程是开心的，换来的就是大出血！！！！！！过程忽略！！！！

去完呢间，TUKTUK司机同我地讲，话想带我地去多一间珠宝行，因为呢间他带我地去就可以免费加油，他叫我地入去10分钟就得啦，我地甘好人，梗是帮他啦，于是又买左泰银耳环，哎，水鱼啊！！！

最后，他车我地去BLACK寺庙，原来呢度d佛全部都是黑色的，五知道是么做的，我地又五晓睇d泰文喔，欣赏完，叫TUKTUK司机车埋我地去BTS站，因为我地今晚要吃鲍鱼餐啊！！！哈哈哈哈哈，提起吃就最精神啦！！！

天书介绍，呢度的鲍鱼餐比香港平一半，所以，我地决定豪一豪，坐BTS到SAPHAN TAKSIN，落车之后重要打35THB（约7.77RMB）的TUKTUK，来到MENAM RIVERSIDE HOTEL，阿一鲍鱼就系呢间酒店里面啦！！！去到的时候是5：30PM，小姐用好流利的普通话同我地讲——我们要6点才开始营业！！！O ，无语！！！

惟有帮自己稳下节目啦，见到间酒店甘高级，于是米参观下咯。酒店的泳池真是好靓，得几个鬼系度游水，沿住泳池兜出去，我地就见到有个酒店专用的码头，哈，原来湄公河就系旁边！！肚有d 饿啊，行去小卖部买d也吃先！！！谁知——A选择比白鸽吃的玉米，B选择喂鱼的面包，妖！！！条河其实一d都五干净，重衰过珠江，河里面有好多黑蒙蒙的鱼，可能就是吃d面包，吃到鬼死甘大条；白鸽反而得意d，不过我都是无喂，费事它们吃甘多消化不良啦！！！码头停住只专门接载酒店住客的船，好有特色，我地就走去影相咯！！！话，部船好摇啊，船上的船员都好有礼貌甘扶住我地，如果跌左落河就大锅咯！！！哈哈，无惊无险就到6点，吃饭啦！！！

阿一鲍鱼，系香港好有名，出名贵啊嘛！既然可以平香港一半价钱，即管试一试！！！饮住冰凉的菊花水，望住餐牌，我地叫左一个鲍鱼套餐——A红烧砂锅鱼翅，B32头吉品干鲍、鲜鲍各一只，C鲍汁菜心，D鲍汁鹅掌海参花菇，E元贝局蟹盖，F蟹粉伊面，G燕窝蛋挞（比我一啖吃左五记得影相），H红枣炖雪蛤。无啦！！！吃完，套餐连服务费一共3500THB（约777RMB），翻到香港同billy讲，他话好抵啊！！！哈哈哈哈！！！我都觉得是！！！YEAH！！！

吃饱啦，先7点几，我地今晚book左9：45PM的人妖SHOW，今日风尘左一日，好累，所以决定翻酒店梳洗下，无错，我又点可以输比d 人妖呢，哈哈！！！ 泰国人妖就出晒名啦，系曼谷睇人妖SHOW，最犀利就是ASIA HOTEL的SHOW，系BTS的RATCHATHEWI站，去到就见到出口啦，我地刚好赶到，成个酒店大堂都是睇SHOW的游客，五同肤色、五同语言、五同文化，就会聚系呢个人妖SHOW啦！！！SHOW TIME！！！

表演好精彩，有浪漫的爱情剧、有泰国古代的故事、有人妖成长的历程、有好搞笑的男人扮鸵鸟，男人着比坚尼，真是笑死我啦！！！

古五到男人都可以甘靓，基本上出得来表演的都算是绝顶级数的人妖，他们都好白、好高、身材比女的好，真是好SEXY！！！我地坐系第一排，所以我地都睇得好清楚，清楚到又见到好多瑕疵。例如，有几个块面是豆皮，有d d皮肤五是甘靓……不过他们都是通过自己的劳动赚钱，泰国的人妖文化是独一无二啦！！！

睇完人妖SHOW已经成11点几啦，搭BTS翻到酒店门口，咦，有d肚饿添，一于都系酒店门口的大排挡吃碗美味的水门鸡越南米粉，25THB（约5.55RMB），越南米粉同广东米粉五一样，口感好韧，好好味，好满足，要休息啦！！！哎！！！想五肥都几难！！！