早上10点就起身啦，之前已经将行李执好，一个箱再加一个背囊，哈哈，准备就绪就出发啦！
PS：去雪乡必备，羽绒一件，雪靴一对，耳罩或者一顶可以盖住耳仔的帽，手袜（左手是包指，右手是短指，因为要影相的），重有防寒内衣…………等等，我发现我带左好多也啊！！
11点35分来到海珠广场，已经见到亲爱的表弟期待我的眼神，无计啦，女仔梗是要迟到小小嘛！
呵呵！我见到部机场大巴同部面包仔系广场度撞左车，心林，五是甘斜啊！！！呢个时候，大家都发现，中午饭未解决喔，于是决定去M记买个特惠餐两份吃！！点知，当我买落黎的时候，另一部机场大巴，已经上晒d人，准备开走啦，表弟示意我冲上去拦住架巴士，可惜，它依然离我而去！！
无计啦，惟有留系广场度等下一班车啦，坐系等车的地方，吃住汉堡包，好大风啊！！原来我走的呢一日广州冷空气呢！！
大巴黎啦，我地好兴奋甘上左车，浩浩荡荡甘前往机场啦！！
40分钟之后，准时到达！！我地迅速甘稳到check in的柜台，未够钟喔，四围望下，见到有南航自助check in的机，于是我地行埋去，决定尝试下呢个高科技！！
真是神奇，又或者可能是我太out啦！插入身份证，就可以check in啦，而且重可以自己捡位添，真是爽啦，罗左登机卡之后，我地再将行李箱托运，决定游览下广州新白云国际机场！！
我，为左要同飞机来一个亲密的合照，居然企系度吃左10几分钟风，呢个可能就是造成我感冒的原因啊！！机场游览完啦，有一个总结出来的经验，如果大家想临上飞机前去个舒服、干净、又五多人的洗手间，本人建议，大家去国际起飞果边果个WC，完全符合本人的卫生标准，哈哈，舒服晒，准备登机啦！！
哎！！！原来广州新白云国际机场都重有要坐车去上飞机的时候，真是失望，无办法，五通五上咩，架车，真是好残又好逼，挨左几分钟，终于都到左飞机度啦，哈哈，虽然影左好多次飞机，但是依然都是好兴奋，要黎翻张合照，如果行通道就无呢个机会啦！哈哈哈！！
下午2点30分，起飞啦！！我地大概要坐4个钟头呢！！训觉先ZZZZZZZZZ
18点45分左右，我地到左啦，哈尔滨太平国际机场，罗埋行李，就坐机场大巴去我地的第一个目的地—军转中心（酒店）。呢间酒店就系哈尔滨著名的步行街“中央大街”旁边，非常方便，而且卫生、暖气方面都ok，就是个花洒出水时大时细，不过总睇黎讲都ok啦！系CTRIP BOOK一晚168包早餐，抵啦！！！
整理左一下大概已经晚上9点啦，我地决定去衣肚，行出中央大街，我地大家都五觉得好冻，望住大街的夜景，呼吸住寒冷又新鲜的空气，大家都觉得好过瘾。不过好多商铺都已经关左门咯，表弟介绍左几间系中央大街上比较出名的俄式西餐厅比我知，于是我地决定，今晚就整翻餐俄式西餐！！！
系中央大街旁，有一间要落地牢的俄式西餐厅，名叫塔道斯，我地落去的时候已经9点半啦，他们10点关门，不过WAITER都好有礼貌，建议我地先点送，再系店里面尽情影相，因为店里面好有俄罗斯风格。餐厅暖气好温暖，呢个时候，我地大家都发现，原来耳仔已经系不知不觉间冻僵左啦！！！呢晚的温度有零下１０度啊，快d吃也暖下个胃先！！！美吃当前，点可以五心动呢——罐焖羊肉、俄式菜卷、俄式猪排、麦包、奶油汤同俄式红汤，重有两杯由大兴安岭的野果蓝梅酿制而成的美味红酒，话……简直是一种享受！！！好好味啊！！！呢一餐只是125大元！！
我地都累啦！听日重要哈尔滨一日游呢，我地决定翻酒店训觉啦！！